ਬ੍ਰਿਜ ਭੂਸ਼ਣ ਸਿੰਘ ਵੱਲੋਂ ਦਿੱਤੇ ਗਏ ਤਾਜ਼ਾ ਬਿਆਨ ਤੋਂ ਬਾਅਦ ਭਾਜਪਾ ਨੇ ਉਨ੍ਹਾਂ ਨੂੰ ਪਹਿਲਵਾਨਾਂ ਵਿਰੁੱਧ ਕੋਈ ਹੋਰ ਟਿੱਪਣੀ ਨਾ ਕਰਨ ਲਈ ਕਿਹਾ ਹੈ। ਦਰਅਸਲ, ਹਰਿਆਣਾ ਰਾਸ਼ਟਰੀ ਟੀਮਾਂ ਵਿਚ ਵੱਡੀ ਗਿਣਤੀ ਵਿਚ ਖਿਡਾਰੀ ਭੇਜਦਾ ਹੈ।ਦੇਖਿਆ ਜਾਵੇ ਤਾਂ ਸੂਬੇ ‘ਚ ਵੱਡੀ ਗਿਣਤੀ ‘ਚ ਲੋਕ ਇਨ੍ਹਾਂ ਐਥਲੀਟਾਂ ਦਾ ਸਮਰਥਨ ਕਰਦੇ ਹਨ ਅਤੇ ਸ਼ਾਇਦ ਇਹੀ ਕਾਰਨ ਹੈ ਕਿ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਭਾਜਪਾ ਨੂੰ ਆਪਣੇ ਸਾਬਕਾ ਸੰਸਦ ਮੈਂਬਰ ਨੂੰ ਚੁੱਪ ਰਹਿਣ ਦੀ ਚਿਤਾਵਨੀ ਦੇਣੀ ਪਈ ਹੈ। ਸੂਤਰਾਂ ਨੇ ਕਿਹਾ ਕਿ ਭਾਜਪਾ ਪਹਿਲਵਾਨਾਂ ਦੇ ਵਿਰੋਧ ਨਾਲ ਜੁੜੀ ਕੋਈ ਨਵੀਂ ਕਹਾਣੀ ਨਹੀਂ ਦੇਖਣਾ ਚਾਹੁੰਦੀ, ਜਿਸ ਨੂੰ ਹਰਿਆਣਾ ‘ਚ ਕਾਫੀ ਸਮਰਥਨ ਮਿਲਿਆ ਸੀ।