1971 ਦੀ ਜੰਗ ਵਿਚ ਕਰਾਚੀ ਨੇਵਲ ਬੇਸ ‘ਤੇ ਇਕ ਤੋਂ ਬਾਅਦ ਇਕ ਕਈ ਮਿਜ਼ਾਈਲਾਂ ਦਾਗੀਆਂ ਗਈਆਂ, ਜਿਸ ਨਾਲ ਪੂਰਾ ਬੇਸ ਤਬਾਹ ਹੋ ਗਿਆ। ਇਹ ਦਿਨ 4 ਦਸੰਬਰ 1971 ਦਾ ਸੀ ਜਦੋਂ ਭਾਰਤੀ ਜਲ ਸੈਨਾ ਨੇ ਇੱਕ ਹਮਲਾਵਰ ਆਪ੍ਰੇਸ਼ਨ ਸ਼ੁਰੂ ਕੀਤਾ ਸੀ, ਜਿਸ ਨੂੰ ਆਪਰੇਸ਼ਨ ‘ਟਰਾਈਡੈਂਟ’ ਦਾ ਨਾਮ ਦਿੱਤਾ ਗਿਆ ਸੀ। ਇਸ ਆਪ੍ਰੇਸ਼ਨ ਵਿੱਚ ਭਾਰਤੀ ਜਲ ਸੈਨਾ ਨੇ ਪਾਕਿਸਤਾਨ ਦੇ ਕਰਾਚੀ ਬੰਦਰਗਾਹ ‘ਤੇ ਇੱਕ ਡਿਸਟ੍ਰਾਇਰ, ਇੱਕ ਮਾਈਨ ਸਵੀਪਰ, ਗੋਲਾ ਬਾਰੂਦ ਅਤੇ ਫਿਊਲ ਸਟੋਰੇਜ ਨਾਲ ਭਰੇ ਇੱਕ ਕਾਰਗੋ ਜਹਾਜ਼ ਨੂੰ ਨਸ਼ਟ ਕਰ ਦਿੱਤਾ ਸੀ। ਇਹ 1971 ਦੀ ਜੰਗ ਦਾ ਇੱਕ ਅਹਿਮ ਮੋੜ ਸੀ। ਪੂਰਬੀ ਪਾਕਿਸਤਾਨ ਤੱਕ ਪਹੁੰਚਣ ਦੇ ਦੋ ਰਸਤੇ ਸਨ, ਇੱਕ ਤਾਂ ਭਾਰਤ ਦੇ ਪੂਰੀ ਹਵਾਈ ਖੇਤਰ ਨੂੰ ਪਾਰ ਕਰਨਾ ਸੀ, ਜੋ ਜੰਗ ਦੌਰਾਨ ਪਾਕਿਸਤਾਨ ਲਈ ਸੰਭਵ ਨਹੀਂ ਸੀ। ਦੂਸਰਾ ਰਸਤਾ ਸਮੁੰਦਰ ਰਾਹੀਂ ਉੱਥੇ ਪਹੁੰਚਣਾ ਸੀ। ਪਰ ਭਾਰਤੀ ਜਲ ਸੈਨਾ ਨੇ ਅਰਬ ਸਾਗਰ ਵਿੱਚ ਹੀ ਪਾਕਿਸਤਾਨੀ ਜਲ ਸੈਨਾ ਨੂੰ ਘੇਰ ਲਿਆ ਸੀ। ਸਿਰਫ਼ ਤਿੰਨ ਮਿਜ਼ਾਈਲ ਕਿਸ਼ਤੀਆਂ ਨੇ ਅਜਿਹਾ ਕਾਰਨਾਮਾ ਕੀਤਾ ਕਿ ਪਕਿਸਤਾਨ ਨੂੰ ਹਾਰ ਦਾ ਰੁੱਖ ਕਰਨਾ ਪਿਆ।