ਇਹ ਘਟਨਾ ਬਾਂਦਾ ਜ਼ਿਲ੍ਹੇ ਦੇ ਬਿਸੰਦਾ ਥਾਣਾ ਖੇਤਰ ਦੇ ਸਯਾ ਪਿੰਡ ਦੀ ਹੈ, ਜਿੱਥੇ 29 ਸਾਲ ਦੀ ਔਰਤ ਸੋਨੀਆ ਮਿਸ਼ਰਾ ਸਵੇਰੇ ਕੱਪੜੇ ਸੁਕਾਉਣ ਲਈ ਛੱਤ ‘ਤੇ ਗਈ ਸੀ। ਔਰਤ ਨੇ ਜਿਵੇਂ ਹੀ ਆਪਣੇ ਕੱਪੜੇ ਸੁਕਾਉਣ ਲਈ ਵਿਛਾਏ ਤਾਂ ਸੱਪ ਨੇ ਉਸ ਨੂੰ ਡੰਗ ਲਿਆ। ਔਰਤ ਦੀ ਚੀਕ ਸੁਣਦੇ ਹੀ ਪਰਿਵਾਰਕ ਮੈਂਬਰ ਇਕੱਠੇ ਹੋ ਗਏ ਅਤੇ ਸੱਪ ਨੂੰ ਫੜਨ ਦੀ ਕੋਸ਼ਿਸ਼ ਸ਼ੁਰੂ ਕਰ ਦਿੱਤੀ। ਕੁਝ ਕੋਸ਼ਿਸ਼ਾਂ ਤੋਂ ਬਾਅਦ ਪਰਿਵਾਰਕ ਮੈਂਬਰਾਂ ਨੇ ਸੱਪ ਨੂੰ ਫੜ ਕੇ ਇੱਕ ਡੱਬੇ ਵਿੱਚ ਬੰਦ ਕਰ ਦਿੱਤਾ। ਇਸ ਤੋਂ ਬਾਅਦ ਪਰਿਵਾਰ ਵਾਲੇ ਮਹਿਲਾ ਨੂੰ ਸਿੱਧਾ ਜ਼ਿਲ੍ਹਾ ਹਸਪਤਾਲ ਲੈ ਗਏ।