Boat Capsized in Goa: ਪੁਲਿਸ ਨੇ ਡੁੱਬਣ ਕਾਰਨ ਹੋਈ ਗੈਰ-ਕੁਦਰਤੀ ਮੌਤ ਦਾ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਹਾਦਸੇ ਦੀ ਜਾਂਚ ਕਰ ਰਹੀ ਹੈ। ਇਹ ਘਟਨਾ ਬੁੱਧਵਾਰ ਦੁਪਹਿਰ ਦੇ ਕਰੀਬ ਵਾਪਰੀ ਜਿਸ ਵਿੱਚ ਲਾਈਫਗਾਰਡ ਏਜੰਸੀ ਦ੍ਰਿਸ਼ਟੀ ਮਰੀਨ ਲਾਈਫਸੇਵਰਜ਼ ਨੇ ਕੈਲੰਗੁਟ ਬੀਚ ‘ਤੇ 20 ਤੋਂ ਵੱਧ ਯਾਤਰੀਆਂ ਨੂੰ ਬਚਾਇਆ। ਕਿਸ਼ਤੀ ਪਲਟਣ ਸਮੇਂ ਮਹਾਰਾਸ਼ਟਰ ਦੇ ਖੇਡ ਦੇ ਰਹਿਣ ਵਾਲੇ 13 ਲੋਕਾਂ ਦਾ ਇੱਕ ਪਰਿਵਾਰ, ਜਿਨ੍ਹਾਂ ਦੀ ਉਮਰ 6 ਤੋਂ 65 ਸਾਲ ਦਰਮਿਆਨ ਸੀ, ਸਵਾਰ ਯਾਤਰੀਆਂ ਵਿੱਚ ਸ਼ਾਮਲ ਸੀ। ਕਿਸ਼ਤੀ ‘ਚ 20 ਤੋਂ ਜ਼ਿਆਦਾ ਯਾਤਰੀ ਸਵਾਰ ਸਨ ਅਤੇ ਇਹ ਕਿਸ਼ਤੀ ਤੋਂ ਕਰੀਬ 60 ਮੀਟਰ ਦੀ ਦੂਰੀ ‘ਤੇ ਪਲਟ ਗਈ, ਜਿਸ ਕਾਰਨ ਸਾਰੇ ਲੋਕ ਸਮੁੰਦਰ ਦੀਆਂ ਲਹਿਰਾਂ ‘ਚ ਜਾ ਡਿੱਗੇ।